TAWA KAMI NANG tawa sa naging reaksiyon ng ilang kasama namin sa panulat nu’ng minsang mabigyan sila ng pagkakataong mainterbyu nang malapitan ang isang actor-TV host.
Ang saya-saya pa raw naman nila dahil bibihirang nagaganap ang ganu’n, mahirap daw masarili ang actor-TV host para sa isang panayam, kaya ang suwerte-suwerte nila.
Pero hindi pala suwerte ang naghihintay sa kanila kundi pagsakit ng ulo. Heto ang kuwento ng naging “biktima” ng aktor-TV host. basahin natin ang kanyang rebelasyon.
“Kani-kaniyang labas na kami ng tape recorder, ang sasaya namin dahil hindi naman madalas mangyari ang ganu’n, ‘di ba? Napakalapit namin sa kanya dahil may kaingayan ang paligid, close encounter talaga ang nangyari.
“Nu’ng nagsasalita na siya, nagpapakiramdaman na kaming magkakasama, meron kaming naamoy na mabaho, talagang super-baho na halos masuka na kami sa sobrang kabahuan.
“Napansin namin, nanggagaling ang amoy sa bibig ni ____ (pangalan ng actor-TV host), matindi ang bad breath niya, hindi kayang dayain ‘yun ng mouthwash lang o menthol candy.
“Alam mo ‘yung feeling na gusto mong masuka na gusto mong iuntog ang ulo mo sa pader, dahil sa sobrang baho ng naamoy mo? Grabe, hindi mo talaga mate-take ang bad breath niya,” kuwento ng isang biktima ng actor-TV host.
Marami pa raw sana silang itatanong sa actor-TV host, pero nagpaalam na sila agad, kapag itinuloy pa raw kasi nila ang interbyuhan, baka masuka na sila.
“Meron pa sana kaming itatanong sa kanya, ang dami-dami kasing kuwento tungkol sa personal niyang buhay ngayon, pero kami na ang nagpaalam agad, hindi na kasi kami mapakali.
“Nu’ng matapos na ang interview namin, para kaming nakalabas mula sa isang napakadilim na tunnel, nakahinga na kami nang maluwag, dahil wala na siya sa harapan namin. Ibang klase ang bad breath niya, parang amoy ebak ‘yun na amoy patay na daga!” Rebelasyon pa ng isang kasamahan naming manunulat.
Naamoy na rin namin ang hininga ng nasabing actor-TV host. Nakasama pa nga namin siyang maging hurado nu’ng minsan sa isang pa-contest. Nag-uumpisa pa lang ang labanan ng mga kalahok, gusto na naming matapos agad ‘yun dahil kasula-sulasok talaga ang kabahuan ng kanyang hininga.
Ang tanong ng aming mga kasamahan na tanong na rin namin, paano kaya natitiis ng kanyang karelasyong aktres ang matinding amoy ng kanyang hininga? Immune na siguro ang aktres kaya parang balewala na lang ang bad breath ng kanyang mahal.
Sabi nga ng isang maarteng TV host, “Eeeeeeewwwwwww!!!”
by Cristy Fermin
