Hindi rin pala ubra ang pagiging terror ni Annabelle Rama kapag ang kaligayahan na ng anak niya ang nakasalalay.
Pinayagan na niya finally kung anumang relasyon meron ang kanyang anak na si Ruffa Gutierrez at John Lloyd Cruz. Sumuko na siya sa nakikita niyang sincerity at tatag ng loob ni John Lloyd sa panliligaw nito kay Ruffa. Ano pa bang matatawag mo sa ginagawa niyang panunuyo sa Miss World Princess? I’m sure hindi lang friendship, kundi mas higit pa, ang habol niya sa unica hija ni Annabelle.
Hindi na nila itatago ni Ruffa ang kanilang relasyon kung simpleng pagkakaibigan lamang ito. But the photos tell a different story, wala na silang choice kundi tanggapin kung anuman ang nakikita sa kanila ng publiko, hindi lamang dito sa bansa kundi maging sa labas nito.
“Sumuko na ako,” sabi ni Annabelle. “Nakita ko na ang sincerity ni John Lloyd. Kahit ilang beses ko na siyang tinext ng masama, pinapahinto ko siya kay Ruffa pero, hindi siya sumunod.
“Ayaw ko nang makialam. Lalo’t boto naman ang mga anak ni Ruffa sa kanya. Pagbibigyan ko na ang sinasabi ni Ruffa na “friendship” nila, sabi pa ng matapang na mother ng mga Gutierrezes.
