Para siyang si Nora Aunor nu’ng manalo sa Tawag Ng Tanghalan, na until now ay taglay pa rin ang kasikatan at nag-iisang Superstar. At kung hindi magbabago ang karisma ng batang Batangueñong si Jovit , hindi malayong sumikat siya nang todo kahit sabihin pa hindi siya ‘yung tipong artistahin.
May napuna lang kami after ng guesting ni Jovit sa The Buzz at ma-interview ng ibang TV shows ng Dos, nang iinterbyuhin na siya kasama naming showbiz writer na si Ruben Marasigan at nang makitang tape lang ang gamit ng katoto naming writer ay bigla siyang nagsabi na kung puwedeng ma-excuse dahil kasi pagod na raw siya.
Komento nga ni katotong Ruben: “Porke wala akong dalang TV camera ay hindi na pwede siyang makausap at parang lumalabas na magpapa-intervew lang siya sa harap ng kamera. Susme! Hindi pa man ay feeling superstar na yata ang batang ito.”
Utoy, alalahanin mo na kaming writers sa iba’t ibang pahayagan ay malaki ang maitutulong sa iyong pagsikat at maagang pagkalaos.
Sana ay pangaralan si Jovit, kung sino man ang handler niya, na matutong makiharap sa mga reporter dahil baguhan lang siya sa showbiz. Yun lang!
